CDO-Banner

Brgy Pagalungan gitun-an alang sa sanitary landfill

GITUN-AN na karon sa Solid Waste Management Board (SWMB) ang Brgy Pagalungan ning syudad nga posibleng luna sa sanitary landfill alang sa pagbalhin sa kasamtangang open dumpsite.

Kini tipik lamang sa nahisgotyan sa panagtigom sa SWMB bag-ohay lamang pinagulohan ni Fr. Roberto Yap, SJ kinsa mao ang chairman.

Matud ni Yap sugdan na niini ang pre-feasibility study alang sa site suitability sa Pagalungan sanglit dili haom ang una nang gi-establisar nga sanitary landfill sa Brgy Pagatpat sa kanhi pamunoan.

“Pagatpat did not pass the geo-hazard assessment in 2011,” dugang ni Yap.

Ang luna nga nakita sa Pagalungan nakadawat na og site suitability gikan sa Mines and Geosciences Bureau sa Department of Environment and Natural Resources (DENR).

Kahinumdoman nga dugay nang gimandoan ang syudad sa pagsira sa kasamtangang open dumpsite sa Upper Dagong sa Brgy Carmen sanglit dugay na kining nakalapas sa RA 9003.