CDO-Banner

USAR team mitapos sa Rope Rescue Technician Training

usar

 

MALAMPUSONG mitapos ang mga sakop sa Urban Search and Rescue team sa City Disaster Risk Reduction and Management Office (CDRRMO) sa usa ka semana nga traning adlaw’ng Lunes, Marso 7 ning tuiga.

Matud ni Allan Porcadilla, officer in charge sa CDRRMO, ang Rope Rescue Technician Training usa sa mga matang sa rescue operations nga angayang mahibaloan sa pagtubag sa mga kalamidad.

Ang CDRRMO pinaagi usab sa kooperasyon sa City Disaster Risk Reduction and Management Council (CDRRMC) sa pagpangulo ni Mayor Oscar Moreno ug overseer Ret Col Mario Verner Monsanto migulang regional Gawad Kalasag (KAlamidad at Sakuna LAbanan SAriling Galing ang Kaligtasan) awardee sulod sa duha na ka tuig tungod sa malampuson ug hugot nga pagpatuman sa disaster preparedness and management sa syudad.

Napili usab nga overall champion isip Best Government Emergency Response Management ang Oro Rescue sa CDRRMO.

Ang Gawad Kalasag (KAlamidad at Sakuna LAbanan SAriling Galing ang Kaligtasan) award gitunol alang sa indibidwal, local government units, non-government organizations ug pribadong sector agig pag-ila sa ilang talagsaon nga pamaagi sa pagtabang sa katawhan ilabina sa disaster management sa nasud.

Ang maong pasidungog naangkon pinaagi sa innovations sa CDRRMO sa pag-angkon og daghang kahimanan sa rescue and emergency lakip niini ang duha ka bag-o ug state of the art emergency rescue vehicles ug kahanas sa mga personahe sa Urban Search and Rescue (USAR) team ug Emergency Medical Specialist (EMS).