CDO-Banner

Pagpalit sa bag-ong luna sa Calaanan NHS aprobado sa LSB

lsb

 

MAKABATON na og bag-ong school campus ang Calaanan National High School human giaporabahan sa Local School Board (LSB) ang pagpalit og usa ka ektarya’ng luna sa Sitio Calaanan, Brgy Canitoan ning syudad.

Sa panagtigom sa mga sakop sa LSB pinangulohan ni Mayor Oscar Moreno karong buntag, gipresentar ni Mrs. Elena Borcillo, schools division superintendent sa Department of Education-Division of Cagayan de Oro, ang kasamtangang sitwasyon sa kapin 1,200 ka mga estudyante ug ang posibiidad sa pagtaas pa sa mga enrollees sa pagbukas sa sunod tuig sanglit nahimutang sa maong sitio ang relocation sites sa syudad.

Matud ni Borcillo lauma’ng mosaka pa ang ihap sa mga estudyante nga moeskwela sa pagbukas sa klase karong Hunyo ug magkinahanglan og dugang classrooms sanglit huot na ang kasamtangang tunghaan ug dako pa ang posibilidad sa taas nga ihap sa school year 2016-2017.

Dugang niini, ang kanhi high school building sa Calaanan magamit na sa PN Roa Elementary School agig dugang kay aduna pa gihapoy shortage sa classroom sa maong tunghaan.

Tungod niini, dako ang kalipay ug pasalamat sa DepEd kang Mayor Moreno ug sa lokal nga kagamhanan pinaagi sa LSB sa dakong panlantaw sa edukasyon.

Ang edukasyon usa sa mga flagship sa administrasyon ni Mayor Moreno.