CDO-Banner

CDO, GIHIMONG MODELO SA LAND MNGT INFO KIOSK

1

GIHIMO karong modelo ang syudad sa Cagayan de Oro sa model prototype sa Land Information Management System Kiosk.

Ang user-friendly, touch screen kiosk usa ka integrated land information platform diin makit-an ang mga electronic data sama sa building footprint, parcel shape, land use, titling status, hazard area, ug open street map. 

Kini gi-develop sa United States Agency for International Development (USAID), pinaagi sa Strengthening Urban Resilience for Growth with Equity (SURGE) Project, diin pilot city ang Cagayan de Oro. 

Ang land administration and management maoy usa sa mga prayoridad sa administrasyon ni Mayor Oscar Moreno, sanglit 30 porsiyento sa 57,850 ka ektaryas sa yuta sa syudad ang dili titulado.

Ang kagamhanan ning syudad dugay nang nakig-abag sa USAID kalabot sa land tenure security sukad pa sa miaging tuig. Gani, gimugna sa SURGE project ang inter-agency Land Management Council ug Land and Asset Management Office aron maoy mangulo sa pagpatuman sa reporma sa land governance.

Tuyo sa SURGE Project, ubos sa pagpangulo ni Ms. Nimfa Along-Albania isip project coordinator, nga suportahan ang nag-unang mga syudad sa nasud aron mapalig-on ug magmalamboon ang ekonomiya isip usa ka urban resilient growth center. (IAF)