CDO-Banner

P8.7M road concreting projects sa kabrangayan aprobado sa konseho

LAUMANG mas daghan pang kadalanan sa kabukiran ang masemento ning syudad ubos sa administrasyon ni Mayor Oscar Moreno human giaprobahan sa konseho ning syudad ang ordinansa alang sa implementasyon sa P8.7 milyones nga road projects bag-ohay lang.

Nalatid sa maong ordinansa ang paghatag og panugot kang Mayor Moreno sa paglagda og kasabutan tali sa Department of Public Works and Highways (DPWH) ug Department of Interior and Local Government alang sa implementasyon sa tulo ka mga proyekto nga pundohan ubos sa Special Local Road Fund o SLFR.

Lakip sa maong proyekto ang road rehabilitation and improvement sa Brgy Tignapoloan nga mobalor og P2.8 milyones; Pagatpat-Camarahan road nga nagkantidad og P3 milyonesug ang Bayabas to NHA road sa kantidad nga P2.9 milyones.

Tungod niini mapasalamaton si Mayor Moreno sa konseho sa pagpangulo ni Bise Mayor Rainier Joaquin Uy ug mayoriya sa mga konsehal.###