GILUSAD ning adlawa, Agosto 12, ang Relevant Industry Skills for Employment -Technical Vocational Education Training (RISE-TVET) scholarship, atol sa pagbukas sa ‘Kahigayonan 2024: UY!portunidad para sa Kabatan-onan ‘Skills Training Expo & Job Fair’, Year 3, diha sa Centrio Ayala Mall.

 

Mismo si City Education and Development Department (CEDD) Department Manager Richel Petalcurin-Dahay ang nangulo sa paglusad niini.

 

Ang RISE-TVET scholarship alang sa mga Out-of-School youth ug wala’y trabaho nga nag-edad og 18 anyos pataas ug gikinahanglan permanent resident ug registered voter sa Cagayan de Oro City; migradwar sa Junior High School (Grade 10); adunay annual family income dili molapas sa 300,000; dili recipient sa bisan unsang scholarship program ug wala na-enroll o ni-drop/withdraw sa bisan unsang TVET scholarship.

 

TMahimong mag-apply niini online pinaagi ani nga link: bit.ly/RISETVETApply2024. Kini abri hangtud Agosto 30. (NLB/CIO/City Scholarships Office). #CDORISETVET2024 #SaPagUswagKaubanTaUy #RISECDO