MIHATAG og pahinungod ang World Vision pinaagi sa Protect Against Child Exploitation (Project ACE) kon proyekto sa pagsumpo sa child exploitation, child labor ug Online Sexual Abuse or Exploitation of Children (OSAEC) tali sa mga stakeholders niini sa LGU-CDO lakip ang regional partner agencies isip pagtapos sa proyekto, Agosto 9, diha sa Chali Resort and Conference Center, ning siyudad.

 

Gihisgutan atol sa pagtapos ang mga accomplishment sa siyudad kalabot sa Project ACE, lakip ang pagpresentar sa City Council for the Protection of Children ug mga regional partners sama sa Department of Labor and Employment X, Department of Justice X ug Regional Anti-Cybercrime Unit (RACU) X sa commitment plans/strategies niini sa pagsugpo sa nagkagrabe nga dagway sa child labor ug OSAEC ning siyudad.

 

Nasayran nga nahatagan og katumanan ang proyekto niadtong tuig 2019 diin nahimong pilot city ang siyudad ug pilot barangay usab ang Cugman, Gusa, ug Puntod uban sa tumong nga mas mapalig-on ang mga plano alang sa mga kabataan ingon man kita isip Child-Friendly CDO ug masugpo ang kaso sa child labor, Human trafficking, OSAEC ug uban pa.

 

Nagsilbing implementers sa maong project ang City Social Welfare and Development Department (CSWD) and City Council Protection for Children (CCPC) ug City Inter Agency Council against trafficking and Violence Against Women and their Children (CIACAT-VAWC). (NLB/CIO/photos courtesy of World Vision)