SUBLING gipahinumdoman ni Mayor Rolando “Klarex” Uy ang mga kawani sa city hall sa dili dayon pagtuo sa mga gisabwag nga fake news sa social media ilabina nga haduol na ang midterm-election sa nasud.

 

Sa mensahe ni Mayor Klarex atol sa pagpakayab sa nasudnong bandila adlaw’ng Lunes, Oktubre 7, iyang kinasing-kasing nga gihangyo ang mga empleyado nga maningkamot lamang sa pagpanarbaho ug pagserbisyo ug dili gayud magpadala sa daghang fake news sa palibot.

 

Matud ni Mayor Klarex dili niya kinaiya ang magbutang-butang og bakak sa isigkatawo ug tinuoray nga pagpangalagad lamang ang iyang tumong.

 

Nasayran nga usa sa mga dakong hagit karon sa nagkabag-ong panahon mao ang modernong teknolohiya nga dali na lamang gamiton batok sa kang bisan kinsa. (ACM/CIO Photos by REYNAN BAYLIN)