AGI’G pagduyog sa kasaulogan sa Elderly Filipino Week, nagkadaiyang kalihokan ang gihan-ay sa kagamhanang lokal pinaagi sa Office for Senior Citizens Affairs (OSCA) ug uban pang ahensya alang sa mga senior citizens.

 

Gibuksan ang selebrasyon Oktubre 1, 2024 bitbit ang tema’ng: “Senior Citizens – Building the Nation, Inspiring Generations,” pinaagi sa ‘Walk for Life’ nga nagtanyag og socialization and wellness activities sa 150 ka mga senior citizens sa dakbayan ug 50 ang gikan usab sa lalawigan sa Misamis Oriental.

 

Lakip usab sa kalihokan ang duha ka adlaw nga senior citizens program awareness drive, ‘storytelling with seniors and young learners’, Philhealth Konsultasyong Sulit at Tama (KonSulTa) program kauban ang City Health Insurance Office, City Health Office ug Philhealth Region 10 sa SM CDO downtown premier.

 

Ipahigayon usab ang libre nga pneumococcal ug flu vaccine alang sa mga senior citizens sa district 1 sa Oktubre 10, ug district 2 sa Oktubre 11, alas 9:00 sa buntag hangtod alas 12:00 sa udto diha sa Senior Citizen Center nahimutang sa barangay 40. (AGP/Photos by OSCA)