GIPASIDUNGGAN sa City Anti-Drug Abuse Council (CADAC) nga gipangulohan ni Mayor Rolando `Klarex’ Uy ang Top 5 nga mga Community-Based Drug Rehabilitation Program (CBDRP) managers atol sa culmination program sa Drug Abuse Prevention and Control (DAPC) Month 2024, Sabado Nob. 30.

 

Si Dr. Rhyselle Bernadette Melliza-Descallar, head sa City Anti-Drug Abuse Division – Oro Wellness Center mingalan sa Top 5 CBDRP Managers nga sila si Rosemarie Bustero sa Barangay Lapasan; Carmen Arsenal sa Barangay Carmen; Geraldine Mejares sa Barangay Camaman-an, Ceres Josol sa Barangay Bayabas, ug Rolyen Vallespin sa Barangay Balulang.

 

Gipasabot ni Dr. Descallar nga gipasidunggan ang maong mga CBDRP managers gumikan sa ilang maayo nga performance ug kakugi sa pagpatuman sa mga programa sa CBDRP alang sa ilang mga clients sa ilang barangay.

 

Samtang gipasalamatan ug gidayeg ni Office of the City Community Affairs Department Head Oliver Egypto ang mga CBDRP managers sa ilang commitment sa programa alayon usab sa programa sa CADAC. Ang Top 5 CBDRP managers nakadawat og cash nga P5K ug plaque. (ALR/CIO/Photos by Kim Zaldivar/CIO)