MOKABAT 215 tickets ang na-isyu sa Special Action Teams sa Roads and Traffic Administration (RTA) ngadto sa mga motorista nga nakalapas sa nagkadaiyang balaod sa trapiko.

 

Basi sa summary report, naobserbahan nga giabuso sa mga motorista ang leniency sa RTA, gani 58 porsiyento sa nadakpan ang moparada unta sa travel lane o nag-double park bisan naghuot ang dalan.

 

Ang ubang tickets gi-isyu tungod sa pagparada sa No-Parking areas.

 

Gipasabot ni Engr. Nonito Oclarit, dep’t manager sa RTA nga 25 lang ka Traffic Citation Tickets ang na-isyu diin anaa sulod sa sakyanan ang mga drivers nga ilegal nga nagparking ug nakabara sa traffic.

 

Ang ubang tickets nga na-isyu gumikan sa illegal parking sa unattended vehicles (190 tickets).

 

Kini nagpasabot nga 99 (80 porsiyento) sa mga sakyanan nga giparking sa travel lanes gibiyaan sa drivers o gihimo nga parkinganan ang agianan ug sakyanan.

 

Gipadayag sa kadagkoan sa RTA nga ang summary nagpakita sa kakulang sa disiplina sa mga road users.

 

Malaumon ang RTA nga mausab kini nga kinaiya pinaagi sa makanunayon nga presensiya sa SATs. (ALR/CIO)