MALIPAYON ug mapasigarbohong mitapos ang 435 ka mga migradwar sa City College of Cagayan de Oro – Technical Skills and Technology Institute (CCCDO-TSTI) sa technical-vocational courses ug programs nga gidalit sa maong tunghaan adlaw’ng Martes, Disyembre 10, 2024.

 

Sa mensahe ni City College President Dr Jestoni P. Babia, atol sa 11th graduation ceremony, iyang gidayeg ang mga migradwar sa tech-voc sanglit ang maong kalampusan maoy sinugdanan sa dakong kausaban sa kinabuhi ug kaugmaon.

 

Gipasalamatan usab ni Dr Babia ang dakong panlantaw ug suporta ni Mayor Rolando “Klarex” Uy sa edukasyon sa mga Kagay-anon nga buot usab makalampos ug makab-ot ang gitinguhang kausbawan sa adlaw-adlaw nga pagkinabuhi.

 

Misaksi sa graduation ceremony si City Administrator Roy Raagas, TESDA 10 Regional Director Rafael Abrogar II ug mga kadagkoan sa CCCDO ingon man TESDA officials.

 

Ang 11th graduation ceremony gipasiugdahan usab sa Pilipinas Shell Foundation ug Ayala Centrio Mall. (ACM/Photos by ROEL FELICITAS/CIO)