Paningkamotan sa City Health Office nga madawat na sa mga kwalipikadong health workers ang gikahinaman nga Health Emergency Allowance kon HEA sugod ning bulan sa Enero, sumala pa ni City Health Officer Dr. Rachel Dilla.

 

Kini human gikompirmar ni Dr. Dilla nga nadawat na sa ilang buhatan ang kapin kon kulang P60 milyones nga pundo gikan sa Department of Health niadtong Disyembre 20 sa miaging tuig alang sa maong katuyoan.

 

Apan, gipasabot ni Dr. Dilla nga moagi pa sa makuting proseso ang pagpagawas sa pundo tungod kay adunay mga gabayan nga angayan sundon sa ilang buhatan ayha kini madawat sa mga hintungdan kawani.

 

Busa, nangayo si Dr. Dilla sa taas nga pasensya ug pagsabot sa tanan nga magpa-abot lang hangtud mahuman ang pagproseso sa mga payroll. (CIO)