MALAMPUSONG gipahigayon ang roll-out training uban sa pipila ka midwife, Barangay Nutrition Scholar ug Barangay Health Worker kalabot sa Barangay First 1000 Days niadtong Pebrero 11-14.

 

Ang maong training kabahin sa Barangay 1st 1000 days project sa Vitamin Angels Philippines uban ang Cagayan de Oro City Nutrition Committee nga gi-implementar sa miaging tuig.

 

Ang mga partisipante nagikan sa pilot barangays sa maong project nga mao ang Bayabas, Bonbon, Camaman-an, Canitoan ug Lapasan.

 

Nasayrang ang 1st 1000 days mao ang giilang 'phase' sa bata gikan sa conception niini hangtud nga kini motungtung sa edad na 2 anyos diin 'crucial' ang 'development' sa body, brain, metabolism, ug immune system niini.

 

Gani pinaagi sa maong training, gilauman nga magiyahan ang mga barangay health worker, barangay nutrition schoar ug midwife sa angay buhaton aron sila usab magpa-abot niini sa mga inahan sa ilang tagsa-tagsa ka barangay ilabina sa mga nagpasuso nga inahan. (NLB/CIO/photos courtesy of CNC)