SA tinguha nga mas mapalig-on pa ang mga Homeowners ug Homeowners Association, nagpahigayon og orientation training ang syudad ubos sa administrasyon ni Mayor Rolando `Klarex’ Uy pinaagi sa City Housing and Urban Development Department (CHUDD) uban sa Department of Human Settlements and Urban Development (DHSUD) Region 10.

 

Ang orientation training kabahin sa 2024 Revised Implementing Rules and Regulations sa Republic Act 9904, ang Magna Carta para sa mga Homeowners ug Homeowners Association.

 

Si Cesar Pagapula-an Jr., acting department manager sa CHUDD mipasabot nga ang training nagtutok sa hustong pamaagi pagdumala sa mga katiguman ug eleksyon, pagsabot sa termino ug pagsugod sa serbisyo sa opisina, ug pag-establisar sa quorum nga gikinahanglan sa eleksyon.

 

Ang maong inisyatiba nagpakita sa pagpaningkamot sa CHUDD nga mahatagan sa gikinahanglan nga kahibalo ug kahanas ang mga HOA members aron makahimo og mas lig-on, mas nahibalo ug aktibong mga komunidad. (ALR/CIO/ Photos from CHUDD)