MIDUYOG ang kagamhanang lokal sa Cagayan de Oro sa pagpangulo ni City Mayor Rolando ‘Klarex’ Uy, kauban ang Philippine Army 4th Infantry Division (4ID), Bureau of Fire Protection, Cagayan de Oro City Police Police, mga opisyal ug empleyado sa nagkadaiyang ahensya sa gobyerno local ug nasyonal, mga opisyales sa kabarangayan, mga pundok sibiko, mga pribadong organisasyon ug uban pa sa pagsaulog sa ika-127 nga kasumaran sa Adlaw sa Nasudnong Kagawasan, Hunyo 12, 2025 diha sa Kiosko Kagawasan, Divisoria Plaza ning syudad.

 

Ang tinuig nga programa sa syudad gisugdan sa Philippine Flag Caravan, ug gisundan dayon sa pagpakayab sa nasudnong bandila ug mass wreath-laying, interfaith prayer, ug paghatag sa mensahe pakighiusa ni Vice Mayor Jocelyn Bebot Rodriguez ug City Mayor Rolando ‘Klarex’ Uy, pinaagi ni City Majority Floor Leader City Councilor Edgar Cabanlas.

 

Uban sa tema’ng: ‘Kalaayan, Kinabukasan, Kasaysayan’, atong gisaulog ang ika-127 ka tuig nga Philippine Independence Day agi’g paghandom sa pakigbisog sa katawhang Pilipino batok sa kapin tulo ka siglo nga pagsakop sa Espanya. (AGP/photos by Reynan Baylin/CIO)