MIDUYOG ang siyudad sa kasaulogan sa Child Development Workers’ Week pinaagi sa City Social Welfare and Development (CSWD) Department - Early Childhood Care and Development (ECCD) Division, Hunyo 25-27.

 

Atol sa kasaulogan, ang mga Child Development Teachers (CDT) lakip mga Supervised Neighborhood Play (SNP) volunteers gikan sa nagkadaiyang barangay nakapahimulos sa libreng stress debriefing gikan sa CSWD Psychosocial Division, medical mission ug Pampering Day nga gipaluyohan sa City Health Insurance Office (CHIO) ug Community Improvement Division (CID).

 

Gitapos kini pinaagi sa usa ka Santos nga Misa diha sa St. Augustine Metropolitan Cathedral ug gisundan usab sa motorcade.

 

Hisayrang aduna’y kapin 200 ka mga Child Development Teachers ug 34 ka SNP volunteers na ang siyudad.

 

Gani ang maong pagsaulog sa Child Development Workers’ Week pag-selebrar usab sa matag usa kanila kinsa nahimong instrumento sa pagiya sa unang ang-ang sa pag-eskwela sa mga gagmay’ng kabataan nga nag-edad og 3 hangtud 4 anyos. (NLB/CIO/photos courtesy of CSWD).