MALAMPUSONG gipahigayon sa Public Employment Service Office sa pagpanguna ni PESO Manager Kathleen Kate Sorilla ang Special Program for the Employment of Students (SPES) ug Summer Jobber ko Uy orientation diha sa Capitol University gym, Hunyo 28, 2025.

 

Ang maong orientation aktibong gisalmotan sa liboan ka mga estudyante ug mga kwalipikadong benipisyaryo sa programa gikan sa nagkadaiyang barangay sa Cagayan de Oro.

 

Gipasabot ni PESO Manager Sorilla nga ang SPES usa ka programa sa nasudnong kagamhanan pinaagi sa Department of Labor and Employment uban sa suporta sa kagamhanang lokal sa Cagayan de Oro ubos sa administrasyon ni Mayor Rolando Klarex Uy.

 

Apan sa tinguha nga mapalapdan pa ang SPES gimugna sa syudad ang programang ‘Summer Jobber ko Uy’ aron mas daghan pa nga low-income families ang makapahimulos.

 

Gihan-ay usab ni Ms Sorilla ang mga tahas ug gimbuhaton sa mga SPES ug Summer Jobber ko Uy beneficiaries nga nakatutok sa kalamboan sa komunidad.

 

Nasayran nga magsugod ang SPES karong Hunyo 30 kutob Hulyo 25, samtang ang mga Summer Jobber ko Uy magsugod karong Hunyo 30 kutob Hulyo 18.

 

Laraw sa SPES sa DOLE ug Summer Jobber ko Uy sa kagamhanang lokal ang makahatag og financial assistance sa mga low-income families. (AGP/Photos by Kim Zaldivar/CIO)