DAKONG garbo ug kalipay ni Mayor Klarex Uy kauban ang mga buhatan sa city hall nga dad-on sa Brgy Taglimao ang labing unang Peoples Day sa kabaragayan karong Lunes, Hulyo 14 ning tuig.

 

Gipasabot ni Mayor Klarex nga ang Peoples Day dili na lamang kutob dinhi sa city hall apan dad-on kini matag ikaduha hangtud ikaupat nga Lunes bulan sa mga barangay diin motambong kini og sinemanang flag raising ceremony.

 

Matud ni Mayor Klarex ang Peoples Day sa city hall matigayon matag unang Miyerkules na lamang sa bulan sa tinguha nga mapaduol ang serbisyo sa katawhan diha mismo sa ilang barangay.

 

Ang Peoples Day usa sa mga flagship program ubos sa administrasyon ni Mayor Klarex sa tinguha nga mapaduol ang gobyerno sa katawhan ug ang katawhan duol sa gobyerno. (ACM/CIO)