MAPASALAMATON si Barangay Captain Spencer L. Cailing sa pagdala sa lokal nga kagamhanan sa programa nga Klarex nga Serbisyo sa Baryo (KSB) nga gipangulohan mismo ni Mayor Rolando 'Klarex' Uy sa Barangay Bugo, adlawng Sabado, Hulyo 19, ning tuig.

 

Sa mensahe ni Mayor Klarex iyang gipaslamatan ang presensya ug pagduyog sa mga konsehal za Distrito 2 nga sila Councilors Gigi Go, Edgar Cabanlas, Alam Lim, Paolo Gaane ug ABC Federated President Marlo Tabac nga nakig-uban aron ipakita ang ilang suporta ug pagtabang sa mga residente sa Barangay Bugo.

 

Matod sa mayor, wala siya nag-usik bisan usa ka adlaw sukad siya milingkod isip mayor sa iyang ika-duhang terminosa dakbayan.

 

'Inspirasyon nako nga makatabang sa inyong mga problema ug gusto nakong maminaw ug mahatagan kini ug solusyon. Mao kini ang akong paagi sa pagserbisyo sa katawhan,' matod ni Mayor Klarex.

 

Gawas sa hamubo nga programa, daghang mga libreng serbisyo ang gitanyag atol sa KSB sama sa libre nga ibot sa ngipon, libre nga alot, tuli alang sa kabataan, medical consultation, pagproseso sa birth certificate ug business permits, eye care, pag-apod-apod sa mga binhi gikan sa Agricultural Productivity and Operations Office (APOO), legal services sama sa notaryo, ug uban pa.

 

Ang adbokasiya ni Mayor Klarex magpabilin nga mapaduol ang katawhan sa gobyerno ug maduol sa gobyerno ang katawhan, aron mas mapaayo ug mapalapdan pa ang mga serbisyo sa tibuok burokrasya sa City Hall ilalom sa 'Klarex nga Kasing-Kasing ug Kalidad.' (MDS/CIO/Photos By Kim Zaldivar, Jhoanne Abejo & Iren Fuentes/CIO)