GITUNOL sa Philhealth Region 10 sa pagpanguna ni Mr. Abdul Obedi S. Alip, kauban si Mayor Rolando ‘Klarex’ Uy, City Health Insurance Office ug City Health Office ngadto sa opisyales sa barangay Bugo ug mismong mga benipisyaryo ang mokabat sa 307 ka mga Philhealth member data record (MDRs), atol sa gipahigayon nga Klarex nga Serbisyo sa Baryo sa Bugo, Hulyo 19, 2025.

 

Nagpasalamat si Mayor Klarex sa makanunayong suporta ug pagduyog sa buhatan sa Philhealth sa mga programa sa syudad ilabina bisan sa adlaw nga Sabado matag ‘Klarex nga Serbisyo sa Baryo’ ug ‘SurUy-SurUy sa Baryo: Klarex nga Serbisyo sa Panlawas’ matag adlawng Martes ug Huwebes.

 

Nasayran nga nag-unang serbisyo sa people-centered program sa kasamtangang administrasyon ang pagpakusog sa health-system sa syudad. (AGP/Photos by Jhoanne Abejo/CIO)