NAGPAHIGAYON og “ideation camp and training workshop” ang Oro Youth Development Office nga gitawag og “City Lab,” alang sa mga miyembro sa Oro Youth Development Council (OYDC) Hulyo 19-20, ning siyudad.

 

Atol sa kalihokan, gihisgotan ang papel sa mga Sangguniang Kabataan officials ug papel sa mga kabatan-onan sa local governance.

 

Napilli usab sa iyang ikaduhang termino si Herna Francis Tano sa Andam Higala diin nahisakop ang Special Advocacy-based Youth Sector isip Sectoral Co-Chairperson sa OYDC.

 

Samtang, misalmot sa kalihokan sila si Sanggunianag Kabataan Federation President Kenneth John Sacala ug City Department of the Interior and Local Government (DILG) Director Ellaine Josephine Depaur og Oro Youth Development Office Head Lord Saver "Vhaugne" Centina ug National Youth Commission Region X and Caraga Area Head Karenne Añover. Natapos ang kalihokan pinaagi sa pagmugna og sector-specific General Plans of Action tali sa mga miyembro sa OYDC.

 

Nasayrang ang City Lab mao ang "mandatory training sa mga local youth development councils" nunot sa SK Reform Lab ug ang OYDC giilang “highest youth policy-recommending body” diin nahisakop ang mga nagkadaiyang youth leaders ning siyudad.

 

Tumong sa City Lab nga ma-enhance ang “leadership abilities” ug ang pag-promote sa “professional development” sa mga miyembro sa OYDC. (NLB/CIO/photos courtesy of Oro Youth)