Friday, 08 August 2025 09:14

PASIGARBO 2025 MIILA SA OUTSTANDING OPERATIONAL SCHOOL-BASED TEEN CENTERS

Written by LRM
MAPASIGARBUHON ug malampusong gipahigayon ang PASIGARBO 2025: PopDev Club Festival of Talents awarding ceremony adlaw’ng Huwebes, Agosto 7, 2025 nga gipasiugdahan sa Community Improvement Division-Adolescent Health & Development Program.
 
Mismo si Mr. Honorio G. Diputado Jr, Head sa Community Improvement Division ang nangulo sa maong kasaulogan inubanan ni Michael L. Abrogar, ang Adolescent Health & Development Program Coordinator ug CID-Population Program Officer II, kauban ang mga partner agencies sama sa Oro Youth Development Office (OYDO), City Health Office (CHO), Commission on Population and Development X (CPD 10), ug uban pa.
 
Dako ang pasalamat ni Diputado sa mga misaksi ug mihatag sa ilang suporta ilabina sa mga school heads, PopDev Club moderators, guidance advocates, NDEP moderatorsMainit nga gisalubong ni Mr. Honorio G. Diputado Jr., CID-Assistant Department Head, ang mga bisita ug nagpaambit sa iyang sinserong pasalamat ug kalipay na ang mga kabatan-onan mahatagan ug saktong giya lakip man usab ang suporta pinaagi sa lokal na kagamhanan ug mga partner agencies niini. Kapin sa gatos ka mga representanteng School Heads, PopDev Club moderators ug presidents ug Guidance Advocates moderators sa mga nagkalain-laing public secondary schools ning syudad.
 
Lakip sa gipasundayag ang talent sa mga Kabataan sa pagbuhat og social media advocacy and campaign materials pinaagi sa musika, hulagway ug art nga gitawag og “#TEENcredibles”.
 
Ang “#TEENcredibles” usa sa mga paagi sa CID aron maghatag og giya ug suporta sa ilang kampanya kalabot sa Adolescent and Youth Sexual and Reproductive Health, pagpugong sa teenage pregnancy, mental health awareness, drug abuse prevention, adolescent nutrition, ug paglikay sa mga risgong buluhaton nga makaguba sa kaugmaon sa mga kabatan-onan.
 
Apil usab gupasidunggan ang pag-ila sa Most Operational School-Based Teen Centers diin sentro sa maong kasaulogan ang pagpili sa mga 'fully operational and functional' Teen-Centers.
 
Subay niini, mas gipalig-on pa sa administrasyon ni Mayor Klarex pinaagi CID-Adolescent Health Program ang kampanya batok teenage pregnancy ug sexual and nonsexual risky behaviors aron pagprotehir sa kabatan-onan. (LRM/CIO photos Roel Felicitas/CIO)