GIPASIDUNGGAN sa City Health Office pinangulohan ni Dr. Rachel Dilla ang paghatag og pasidungog sa mga barangay nga adunay best breastfeeding rooms ning dakbayan, adlaw’ng Lunes, Agosto 18 atol sa flag raising ceremony sa City Hall Quadrangle isip kabahin sa pagsaulog sa Breastfeeding Month.

 

Lakip sa top 5 ang Brgy. Nazareth, Brgy. Mambuaya, Brgy. Camaman-an, Brgy. Canitoan, ug Brgy. Gusa.

 

Ang maong mga barangay nakadawat og Certificate of Recognition ug gihatagan usab og cash prize nga P5,000 isip pag-ila sa ilang paningkamot sa paghatag og limpyo, hapsay nga lugar alang sa pagpasuso.

 

Nakadawat usab og Certificate of Appreciation ang mga barangay nga adunay limpyo ug organisado nga breastfeeding rooms.

 

Lakip niini ang Brgy. 24, Brgy. Tablon, Brgy. Macabalan, Brgy. Bulua, Brgy. Lumbia, Brgy. Bayanga, Brgy. Balulang, ug Brgy. Indahag. (MDS/Photos by Iren Fuentes/CIO)