GIPASIUGDAHAN sa City Health Office (CHO) ubos sa pagpangulo ni City Health Officer Dr. Rachel Dilla ang pormal nga paglusad sa Search for the ‘Most Healthy Barangay-Year 2’ atol sa flag raising ceremony adlaw’ng Lunes, Agosto 17, ning tuig.

 

Ang maong kalihokan nagdala sa tema’ng 'Himsog nga Kagay-anon para sa Syudad nga Lig-on.'

 

Lakip sa gipahibalo ang pormal nga pagpresentar sa guidelines, diin gilakip ang mga kategorya ug criteria nga mahimong basihan sa pagpangita sa labing himsog nga barangay.

 

MGA KATEGORYA ALANG SA SEARCH:

 

• Barangays nga adunay populasyon 4,999 ug ubos

• Barangays nga adunay populasyon 5,000 hangtod 20,000

• Barangays nga adunay populasyon 20,001 hangtod 30,000

• Barangays nga adunay populasyon labaw pa sa 30,001 CRITERIA SA PAGPILI:

• Governance – 40%

• Service Delivery – 60%

 

PREMYO MATAG KATEGORYA:

• Populasyon 4,999 ug ubos – P300,000

• Populasyon 5,000 hangtod 20,000 – P500,000

• Populasyon 20,001 hangtod 30,000 – P700,000

• Populasyon 30,001 ug pataas – P1,000,000

 

SPECIAL AWARD

• Best Practices (5 barangays) – P50,000 matag barangay.

Kini nga inisyatibo sa City Health Office uban ang suporta sa lokal nga kagamhanan, nag-awhag sa tanang barangay nga moapil sa maong kalihokan.

Sumala pa ni City Health Officer Dr. Dilla, ang maong search usa ka paagi aron ma-engganyo ang barangay nga magpadayon sa mga inisyatibo nga mosuporta sa panglawas ug kalamboan sa mga residente. (MDS/CIO Photos by Iren Fuentes)