GIPASALAMATAN ug gidayeg sa syudad ubos sa administrasyon ni Mayor Rolando `Klarex’ Uy pinaagi sa City Veterinary Office ang mga mananaog ug misalmot sa Kagayan Higalaay Dog Day Year 3 nga gipahigayon sa Atrium Limketkai Center, Agosto 17, 2025.

 

Si Nerie Tanio ug ang iyang fur baby nga si Naene ang nahimong kampeyon nga adunay premyo nga P25K, freebies ug dog food products gikan sa mga sponsors.

 

Ang 1st runner-up mao si Darrel Sombilon ug iyang fur baby nga si Trever uban sa cash prize nga P20K, 2nd runner-up Lovely Queen Adlaw ug fur baby nga si Gucci nga nakadawat og cash prize nga P10K, ug Malume Toreno ug fur baby nga si Andres ang nahimong 3rd runner-up nga pulos nakadawat og mga freebies ingon man mga dog food products.

 

Si City Veterinarian Dr. Helen Ann Tacandong mipaabot sa iyang dakong pasalamat kang Mayor Klarex sa hugot nga pagsuporta sa nasangpit nga kalihokan hinungdan nga nagmalampuson kini.

 

Lakip sa iyang gipasalamatan ang mga partisipante ilabina ang nagkadaiyang mga sponsors nga padayon ug walay undang nga misuporta sa kalihokan ug programa sa syudad. (ALR/CIO/Photos by Reynan Baylin/CIO/City Vet)