BISAN sa regular nga clean-up drive nga gahimoon sa Hapsay Sapa Team uban sa mga workers diha sa Bitan-ag Creek, ang Sapang Creek sa Kauswagan Section na usab ang ilang giatiman.

 

Tungod sa ubay-ubay nga yuta nga nagpundo sa creek mao nga hinay ang dagan sa tubig nga maoy hinungdan sa pagbaha ilabina sa Kauswagan highway.

 

Gipadayag ni Hapsay Sapa focal person Patrick Gabutina nga dili lang ang Bitan-ag Creek ang giatiman sa administrasyon ni Mayor Rolando `Klarex’ Uy pinaagi sa Hapsay Sapa apan ang tanang creek.

 

Nunot niini, gipasalamatan ni Gabutina si Mayor Klarex sa iyang hugot nga pagsuporta sa programa sa Hapsay Sapa kay tinguha man niini nga masulbad ang usa sa mga hinungdan sa pagbaha ning syudad.

 

Lakip sa gipasalamatan ni Gabutina si Punong Barangay Al Legasp, Jr. sa Barangay Bulua sa pagtabang sa Hapsay Sapa Team.

 

Siya namahayag nga mas daghan pa ang makab-ot kung anaa kanunay ang pagtinabangay, pagsinabtanay ug panaghiusa. (ALR/CIO/Photos from Hapsay Sapa)