OTSENTA (80) ka nagpasusong inahan kinsa anaa nagpuyo sa Geographically Isolated and Disadvantaged Areas (GIDAs) - Indigenous People’s Beneficiaries ang mipailawom sa First 1000 Days of Life Forum, Septiyembre 2, diha sa Dansolihon covered court, ning siyudad.

 

Atol sa maong forum, gihisgutan ang kalabot sa Importance of First 1000 Days of Life, Tips on Good Dental Hygiene ug Home Gardening, samtang nag-apod-apod usab og mga food packs ang City Mayor’s Office, rice ang buhatan ni City Councilor Jonjon Rodriguez, hygiene kits ang Xavier Science Foundation, dental kits ang City Health Office ug seedlings ang Agricultural Productivity Operations Office.

 

Lakip sa mga barangay nga nahisakop sa GIDA ang barangay Dansolihon, Mambuaya ug Tignapoloan.

 

Ang maong kalihokan inisyatiba sa City Nutrition Committee nga gipangunahan ni City Nutrition Action Officer Caroline Cabunoc, uban sa City Gender & Development Office, ug gipaluyohan sa Barangay Dansolihon council, ubos sa pagpangulo ni Punong Barangay Josemaria Juan "Ogie" Roa, Xavier Science Foundation, Inc., ChildFund Philippines ug Yakult.

 

Kini ang panapos sa kasaulogan sa ‘Breastfeeding Awareness Month’, uban sa temang: “Prioritize Breastfeeding: Create Sustainable Support System.“ (NLB/CIO/photos courtesy of CNC)