GIAWHAG sa syudad ilawom sa administrasyon ni Mayor Rolando `Klarex’ Uy ang mga punong barangay sa 80 ka mga barangay nga sagupon ug ipatuman ang City Ordinance 13292-2017 in the institutionalization of the Drug-Free Workplace Police (DFWP) diha sa ilang tagsa-tagsa nila ka mga barangay.

 

Kini human ang City Peace Development and Security Council (CPDSC) mipalabang og Resolution No. 05 Series of 2025 nga nagmando sa tanang mga punong barangay kalabot sa maong katuyoan atol sa 2nd Quarter 2025 Full Council Meeting niadtong bulan sa Mayo.

 

Ang City Anti-Drug Abuse Council (CADAC) uban sa City Anti-Drug Abuse Division – Oro Wellness Center isip implementing arms hugot nga misuporta sa maong resolusyon diin giawhag ang tanang punong barangay alang sa dinaliang aksyon ug pagpatuman.

 

Ang maong polisiya nagmando sa mga barangay ug buhatan sa gobyerno sa pagpahigayon og authorized nga drug testing alang sa mga lokal nga elective ug appointive officials.

 

Giseguro niini nga ang mga opisina sa gobiyerno gawasnon sa dili maayong epekto sa pagamit sa gidiling druga, promoting public safety, productivity, ug efficiency.

 

Nasayran nga ang Barangay Bugo pa lamang ang mipalabang og barangay resolution nga nagsagop sa DFWP, gani nagpahigayon na usab kini og surprised mandatory drug testing sa ilang mga barangay officials ug employees. (ALR/CIO/Photos from CADAD-Oro Wellness Center)