Mokabat 44 ka mga barangay nga aktibo ang Community-Based Drug Rehabilitation Program (CBDRP) ang misalmot sa motorkada nga gipasiugdahan sa City Anti-Drug Abuse Council (CADAC) agi’g pagbukas sa kasaulogan sa Drug Abuse Prevention and Control (DAPC) Month Okt. 6, 2025.

 

Misalmot usab ang Bureau of Jail Management and Penology (BJMP-10). Alayon niini, si Mayor Rolando `Klarex’ Uy mipadayag sa iyang hugot nga pagsuporta sa DAPC Month 2025, uban ang commitment sa pagpasiugda og public awareness ug pagpanalipod sa panglawas sa komunidad.

 

Samtang gipadayag usab ni Sunny Rae Cahayag sa City Anti-Drug Abuse Division – Oro Wellness Center nga ang usa ka bulan nga selebrasyon nagtinguha sa pagpalig-on sa kamahinungdanon nga magpabilin nga walay druga isip usa ka mahinungdanong lakang alang sa pagtukod sa usa ka luwas ug progresibong syudad. (ALR/Photos by Jhoanne Abejo/CIO)