Ika-tulong hugna sa Kuyog ta sa Serbisyo sa Baryo (KSB) gidala pag-usab sa Barangay San Simon adlaw’ng Sabado, Pebrero 21 ning tuig.

 

Uban sa pagpangulo ni Punong Barangay Fernando C Edrolin, ang mga residente sa Barangay San Simon nakapahimulos sa batakang serbisyo nga dala sa mga tibuok burukrasya sa City Hall sa pagpanguna ni City Mayor Rolando 'Klarex' Uy, kauban ang mga miyembro sa 21st City Council ug mga Department Managers.

 

Tumong sa KSB nga mahatud ang mga serbisyo nga gilangkoban sa libreng dental services, hilot, haircut, tuli, eye care services, medical check-up, Philhealth Insurance services, ug uban pa alang sa tuyo nga mapaduol ang gobyerno sa katawhan ug ang katawhan duol sa gobyerno.

 

Sa maong programa, gitunol usab sa City Agricultural Productivity Operations Office (CAPOO) ang tulo (3) ka units sa irrigation Water Pump with accessories ug 200L plastic drums para sa mga farmers association.

 

Samtang mikabat usab sa 12 ka magtiayon ang gibugkos sa kaminyoon ni Mayor Klarex sa iyang Kasalan sa Baryo nga programa diin usa kini sa mga highlight nga dala sa KSB.

 

Nakadawat usab ang magtiyaon og libreng letchon, wine, bugas ug cake gikan sa pamilyang Uy ug gikan sa mga city councilors.

 

Mahinumdoman nga gikan sa pinaka-unang hugna sa KSB sugod sa termino ni Mayor Klarex, ika-tulong higayon na kini sa Brgy San Simon nga nakabenepisyo sa dekalidad ug kinasing-kasing nga serbisyo dala sa maong programa. (DYM/Photos by Kim Zaldivar/ CIO and Harry Tibon/CMO)