MALAMPUSONG gipahigayon sa City Tourism and Cultural Affairs Office (CTCAO) ang labing-unang monitoring ug inspection sa tuig 2026 sa pipila ka mga hotels ug accommodation establishments sa Barangay Bulua ug Iponan, Pebrero 20.

 

Kini agi'g pagsiguro nga misubay sa legal, documentary ug operational standards ingon man issuances gikan sa Department of Tourism (DOT) ang mga patigayon lambigit sa turismo.

 

Mismo si Atty. Spencer P. Palen, Standards, Regulations and Trainings Division chief ang nangulo sa maong inspection kauban ang uban mga personahe sa buhatan.

 

Lakip gisusi sa inspection team ang valid business permits, DOT accreditation seals, occupancy permits ug uban pang government-issued certifications. (AGP-CIO/Photos by CTCAO)