LAING hugna sa Diskwento Caravan ang gipahigayon sa Department of Trade and Industry-Misamis Oriental Provincial Office (DTI-MisOr) uban sa Cagayan de Oro City Price Coordinating Council (CDO, CPCC) sa City Hall mini-park.

 

Mokabat 17 ka establishments ang misalmot sa kalihokan nga nagtanyag og discounts sa nagkadaiyang palaliton aron matabangan ang mga residenti nga makabawi sa pagsaka sa presyo.

 

Ang tulo ka adlaw nga Diskwento Caravan nagsugod karong adlawa Martes Mayo 5 hangtod sa adlaw’ng Huwebes Mayo 7, 2026.

 

Alayon niini, gipasalamatan ni Mayor Rolando `Klarex’ Uy ang kadagkoan sa DTI-Provincial Office sa pagpahigayon sa maong kalihokan nga makatabang sa katawhan. (ALR/CIO/Photos by Kim Zaldivar/CIO)