ISIP primary implementation arm sa syudad, ang City Health Office (CHO) mipahigayon og seminar ug demonstration activity alang sa mga nurses ug health staff sa maong opisina isip kabahin sa pag-obserbar sa World Hand Hygiene Day 2026, niadtong Martes (Mayo 5) ning tuiga.

 

Ang World Hand Hygiene Day (WHHD) gisaulog matag Mayo 5 ug nagpunting sa mahinungdanong tema nga 'Action Saves Lives.'

 

Alang sa tuig 2026, tumong sa CHO ang pag-establish og hand hygiene compliance monitoring ug feedback system sa tanang reference hospitals sa syudad isip kabahin sa ilang action plan.

 

Gipasabot usab nga bisan og makapanalipod ang gloves, dili kini kapuli sa hustong hand hygiene nga angay kanunay buhaton.

 

Busa, ang lokal nga kagamhanan, pinangulohan ni Mayor Rolando 'Klarex' Uy uban sa CHO ug sa Department of Health Region 10, nag-awhag sa tanang katawhan sa dakbayan nga magpraktis sa husto nga hand hygiene aron malikayan ang mga sakit ug mapreserbar ang kahimsog sa komunidad. (MDS/CIO/Photos Courtesy to CHO-HEPU)