MOKABAT sa 3,594 clients ang naserbisyohan ni Mayor Klarex Uy sa unang adlaw sa People’s Day sa bulan sa Mayo dinhi sa city hall, Mayo 6 ning tuig.

 

Gitanyag sa People’s Day ang nagkadaiyang serbisyo sa buhatan sa city hall sama sa paghatag og medical assistance, libreng wheelchair, arroz caldo, pag-cater sa nangihanglan og trabaho, inquiries kalabot sa birth registration, city scholarship, renewal sa business permit ug uban pa.

 

Aduna usab libreng 5-kilo nga bugas ug lollipop alang sa mga bata nga personal nga donasyon sa pamilya ni Mayor Klarex Uy.

 

Ang People’s Day maoy paaagi ni Mayor Klarex nga personal nga pagpaminaw sa mga panginahanglanon sa mga Kagay-anon.

 

Nasayrang ang People’s Day sa city hall ipahigayon matag unang Miyerkules sa bulan ug dal-on sa mga mosunod nga Lunes sa nagkadaiyang barangay. (NLB/photos by Roel Felicitas/CIO)