LARAW sa kagamhanang lokal sa Cagayan de Oro ubos sa administrasyon ni Mayor Rolando 'Klarex' Uy, pinaagi sa City Information Office sa pagpanguna ni Acting CIO Jade Adeser, nga pakusgan ang 'grassroots communication' ug kampanya batok disinformation, misinformation ug 'fake news' pinaagi sa mga Barangay Information Officers sa 80 ka barangay ning syudad.

 

Alayon niini, ipahigayon ang panagtapok sa matag BIO sa syudad karon'g Huwebes, Mayo 14, alas 8:00 hangtod alas 12:00 sa udto sa City Tourism Hall isip pasiunang kalihokan.

 

Dumdoman nga mahinungdanon ang papel sa mga BIOs sa pagtulay sa mga programa sa gobyerno ngadto sa komunidad sa normal nga kahimtang ug ilabina panahon sa katalagman.

 

Ang maong aktibidad hugot usab nga gisurpotahan sa Department of the Interior and Local Government CdeO, Liga ng mga Barangay ug Community Affairs Office. (AGP/CIO)