GIPAHIMANGNOAN sa City Hospital- Tablon Public Health Unit, kauban ang Department of Health (DOH), ang publiko nga magpabiling alerto og adunay husto nga kahibalo kalabot sa Ebola Disease nga gikan sa Bundibugyo Virus (BDBV) bisan paman nga wala pay natala nga kaso niini sa Pilipinas.

 

Sumala sa DOH, ang mga kasagarang sintomas sa sakit naglakip sa hilanat, pagkaluya, sakit sa lawas, sakit sa ulo, pagsuka, sakit sa tiyan ug pagkalibanga.

 

Ang virus mahimong mokuyanap o mokalat pinaagi sa direktang kontak sa dugo o uban pang likido sa lawas ingon man pinaagi sa pagamit o paghikap sa mga kontaminadong gamit.

 

Aron malikayan ang posibleng pagkatakod sa nagkalain-laing sakit, gi-awhag ang tanan nga kanunay manghugas sa kamot, magpabiling limpyo ang palibot, ug mosalig lamang sa kasaligan nga impormasyon gikan sa DOH ug World Health Organization (WHO). (DYM/CIO/Infog by Nathan Galleros/CIO)