Gikalipay ni Mayor Klarex Uy ang taas nga pagsalig sa mga negosyante ug foreign investors nga mobubo og puhunan dinhi sa Cagayan de Oro human misaka og sobra 12 porsiyento ang bag-ong business registrants sa syudad sa miaging tuig.

 

Sa iyang ikaupat nga State of the City Address (SOCA) niadtong Hunyo 15, gibutyag ni Mayor Klarex nga miabot og 28,384 ang business renewals sa tuig 2025, timailhan nga naglihok ug nagsalig ang mga negosyante sa padayon nga pagtubo sa atong dakbayan.

 

“Klaro kaayo ang mensahe niini. Ang pagsaka sa gidaghanon sa mga negosyo nagpasabot nga aduna’y mas daghang pamilya nga aduna’y panginabuhian...mas daghang kabatan-onan nga aduna’y oportunidad sa trabaho…ug mas daghang investors nga nagtuo sa kaugmaon sa atong dakbayan”, tin-aw pa sa mayor. (CIO)