TULO (3) ka flyover projects nga gilantaw’ng makahatag og alibyo sa trapiko sa Cagayan de Oro ang planong tukoron dinhi sa dakbayan.

Kini mao ang Bulua Flyover (503.84 metros ang gitas-on), Kauswagan Flyover (382.56 metros ang gitas-on), ug Lapasan Flyover (438.77 ang gitas-on), sumala pa ni Mayor Klarex Uy atol sa iyang ikaupat nga State of the City Address (SOCA) niadtong Hunyo 15 ning tuig.

Ang maong mga flyover projects ipatuman ubos sa Proposed Steel Flyover Construction for Traffic Decongestion in Urban Areas (Phase I), ug kini gisugyot nga pundohan sa Official Development Assistance ubos sa Government to Government Financing tali sa gobyerno sa Pilipinas ug nasud sa Espanya.

Sa pagkakaron, giandam na ang feasibility study nga maoy gikinahanglan sa gobyerno sa Espanya. (CIO)