ATOL sa ika-upat nga State of the City Address (SOCA) ni Mayor Rolando ‘Klarex’ Uy, personal niyang gipasalamatan ang padayon nga paningkamot sa Office of the Building Official (OBO) sa pagtutok sa mga serbisyo nga may kalabotan sa pagtukod ug pagpalambo sa mga imprastraktura sa dakbayan.

 

Matod ni Mayor Klarex ang pagtaas sa ihap sa mga aplikasyon alang sa building permits ug locational clearances nagpakita sa padayong pagsaka sa kalihokan sa negosyo ug pagpamuhunan sa siyudad.

 

Sa miaging tuig, ang koleksyon gikan sa building permits ug mga locational clearances nga gi-isyu sa Zoning Division sa City Planning and Development Office.

 

Kini nakahatag og dakong kontribusyon sa pagpalig-on sa kita sa lokal nga panggamhanan ug nagsilbing timaan sa pagsalig sa mga investors ug developers sa potensyal sa dakbayan isip sentro sa kalamboan ug negosyo.

 

Pinaagi sa episyente ug transparent nga pagdumala sa mga permit ug regulasyon sa pagtukod, ang Office of the Building Official nagpabiling usa ka importante nga kaabag sa administrasyon sa pagpauswag sa imprastraktura ug ekonomiya sa dakbayan.

 

Ang maong mga kalampusan nagpakita sa pasalig sa paghatag og serbisyo nga nagpalambo sa kaayohan ug kauswagan sa tanang lumulupyo. (MDS/CIO/Infographic by NG/CIO)