GIPASALAMATAN ni Mayor Rolando 'Klarex' Uy ang Agricultural Productivity Operations Office (APOO) sa mga lakang ug inisyatiba nga gipanday alang sa agri-fishery sector, atol sa 4th State of the City Address, Hunyo 15 ning tuig.

Dumdoman nga daghang mga proyekto sama sa geo resistivity, mechanization plans, mga kalihokan sama sa pagpangtunol sa mga agricultural ug irrigation inputs, value-added trainings, ug mga flagship & updates program sama sa Kadiwa nga Merkado sa Baryo (KMB), Price Monitoring sa Cogon, Carmen, Westbound ug Puerto market, backhoe and tractor services ang pipila lamang nga gitanyag sa maong buhatan ubos sa kasamtangang pagpangulo ni City Agriculturist Engr. Bernie A. Daba Jr.

Sa milabayng tuig, mokabat na sa 2,884 ka mga mag-uuma ug 1,243 ka mangigisda gikan sa mga rehistradong 106 farming ug 30 fisherfolk organizations ang naserbisyohan sa APOO. Subay usab sa nakolektang datos sa direct market o sales sa maong sektor, mokabat na kini sa P8.66 milyones alang sa tuig 2025.

Sa hiniusang paningkamot sa lokal nga kagamhanan pinaagi sa APOO ug mga kauban nga mga ahensiya, nagpabilin nga lig on ang baruganan sa pagpalambo sa panginabuhian sa mga mag uuma ug mamumuo sa dagat, pinaagi sa teknolohiya, kabatan onan, ug kababayen an. (LRM/CIO Layout by Nathan Galleros CIO)