DAKONG garbo sa siyudad human gipasidunggan ang City Education and Development Office (CEDO) sa pinakaunang higayon isip Top Performing Partners sa implementation sa Voluntary Blood Services Program sa Northern Mindanao, atol sa Regional Sandugo Award nga gipahigayon, adlaw'ng Martes, Hunyo 16, sa SM CDO Downtown Event Hall, ning siyudad.

 

Ang maong pasidungog gikan sa Department of Health – Center for Health Development Northern Mindanao ubos sa Government Agencies Category sa Regional Sandugo Award diin ang tema, “One Drop of Humanity: Give Blood, Save Lives.”

 

Kini nagpasidungog sa mga institutions ug organizations nga nagpakita og outstanding commitment sa pagpahigayon og voluntary blood donation efforts sa tibuok rehiyon.

 

Nasayrang ang maong pasidungog nahimong posible pinaagi sa "ISDA Saves: Scholars Saving Lives with Every Drop," usa ka inisyatiba sa mga city scholars ug volunteers nga nag-suporta sa mga regular blood donation drives inubanan sa pagpakita og serbisyo ug paki-sama sa mga city scholars. (NLB/CIO/photos courtesy of CEDO)