Pormal nang nanumpa sa iyang katungdanan atubangan kang City Mayor Rolando ‘Klarex’ Uy ang bag-ong natudlo nga Punong Barangay sa barangay Pagatpat ning syudad, adlaw’ng Huwebes, Hunyo 18 ning tuig.

 

Si Kapitan Jude A. Fuentes, ang first kagawad sa barangay Pagatpat, ang mihulip kang kanhi Kapitan Achilles Jude Babaran human gitangtang sa Office of the Ombudsman ang naulahi tungod sa kasong Grave Abuse of Authority and Grave Misconduct.

 

Human sa oathtaking, gipahalipayan ni Mayor Klarex si Kapitan Fuentes ug nanghinaut kini nga ang hiyas ug diwa sa maayong pagpanerbisyo ug pangatungdanan maoy mahimong giya sa iyang pamunoan alang sa tinuoray nga pag-alagad sa mga katawhan sa barangay Pagatpat.

 

Lakip sa misaksi sa okasyon ang kapikas sa Kapitan nga si Suzette Fuentes, uban nila ni Barangay Kagawad Daayata, Kagawad Supnet, Kagawad Alvarado, Kagawad Iman, ug Kagawad Collantes. (CIO/photos by Iren Fuentes)