OPISYAL nang gipaila-ila sa publiko ang 12 ka mga maanyag nga kandidata sa umaabot nga 61st Miss Cagayan de Oro Pageant human sa malampusong pagpahigayon sa Press and Public Presentation adlaw’ng Biyernes, Hunyo 19, sa Ayala Centrio Mall Event Center.

 

Ang maong programa gipasiugdahan sa Miss CDO Organization uban sa kolobrasyon sa City Tourism and Cultural Affairs Office (CTCAO) isip kabahin sa pagpangandam alang sa Higalaay 2026 celebrations ug sa pagpasiugda sa kultura, talento, ug katahum sa mga Kagay-anon.

 

Gipangunahan mismo ni City Councilor Hilda Gigi O. Go, Chairperson sa Miss Cagayan de Oro, ang maong kalihokan nga gitambongan sa nagkalain-laing media representatives sa dakbayan diin sila usab ang adunay dakong papel sa pagpili sa kandidata nga makadawat sa prestihiyosong titulong “Darling of the Press” nga ipahibalo sa umaabot nga Coronation Night.

 

Atol sa Press and Public Presentation, mao usab kini ang pinaka-una nga sashing ceremony gikan sa pagkamugna sa Miss CDO pageant competition diin mismo ang mga punong barangay o barangay kagawad ang motaud sa ilang designated sash.

 

Masaksihan usab sa publiko ang kahibalo, talento, ug personalidad sa mga kandidata pinaagi sa Preliminary Competition diin ang Swimsuit og Evening Gown ipahigayon karong Agosto 1, nga sundan dayon sa Coronation Night sa umaabot nga Agosto 22.

 

Ang mga opisyal nga kandidata mao sila:

 

1. NOREEN ASHLEY P. CABONIALDA - BARANGAY 17

2. RHYZA ARANDILLA- BARANGAY 31

3. NATASHA DANE A. MUTIA- BARANGAY 40

4. TRISHA SALVANI ABALOS- BARANGAY CARMEN

5. ZUSMITHA SHEEN E. ITUM- BARANGAY CUGMAN

6. CATHERINE JANE YOUNG- BARANGAY IPONAN

7. HEIRESS GRAZHIELLE D. CAASI- BARANGAY KAUSWAGAN

8. ERIKA P. GABUTAN- BARANGAY LAPASAN

9. KHYLA MAR JUDIENEL C. LAURON - BARANGAY MACASANDIG

10. MARY HYACINTH A. ZAMORA

- BARANGAY NAZARETH

11. PRINCESS JOYCE B. TAGNO-AY - BARANGAY PATAG

12. KRIEZL JANE VITORILLO TORRES - BARANGAY TABLON

 

Ang 61st Miss Cagayan de Oro usa sa mga nag-unang kalihokan sa Higalaay 2026 nga saulogon matag bulan sa Agosto, isip pagpasidungog sa kultura, espiritu sa panaghigalaay sa mga Kagay-anon og pagsaulog sa kapistahan ni Senior San Agustin ang patron sa dakbayan sa Cagayan de Oro.(DYM/CIO/Photos by Kim Zaldivar)