Gipahinumdoman sa City Management Information Systems and Innovation Department (CMISID) ang tanang empleyado sa City Government sa kamahinungdanon sa pagsunod sa Clean Desk, Clean Screen policy aron mapanalipdan ang sensitibong impormasyon ug mapalig-on ang seguridad sa mga datos.

Laraw niini ang madasig ang mga empleyado nga sa dili pa mobiya sa ilang workstation, siguruhong i-lock ang ilang computer, hapsayon ug seguruhon ang mga dokumento, ug dili kalimtan mag-log out sa tanang sistema nga ilang gigamit.

Kini nga pahinumdom dako og tabang sa pagpanalipod sa mga sensitibong impormasyon ug sa pagsiguro nga luwas ang mga datos sa city government. (DYM/CIO/Infographics by Nathan Galleros/CIO)