LUWAS ug dili kabalak-an ang Air Quality Index sa Cagayan de Oro karong adlawa, Hulyo 8, sanglit anaa kin isa GOOD category, kini basi sa gipagula nga datos sa City Local Environment and Natural Resources Office (Clenro), pinaagi sa ilang kahimanan sa city hall.

 

Kini nagpasabot nga limpyo ang hangin nga gihanggab sa katawhan ug luwas sa tanan ilabina sa mga mahiligon sa outdoor activities.

 

Subay niini, giawhag sa Clenro, sa pagpangulo ni Ms. Elvisa Mabelin, nga ampingan kanunay ang kinaiyahan pinaagi sa sakto nga waste management ingon man ang pagpatuman kanunay sa environmentally-friendly choices matag adlaw. (ACM-CIO/Infog by CLENRO)