Gidapit sa Cagayan de Oro City Primary Care Center–Tablon ang tanang ginikanan nga dad-on ang ilang mga anak aron makabenepisyo sa libreng deworming isip kabahin sa pagsaulog sa National Deworming Month 2026.

Ang libreng serbisyo bukas alang sa mga bata nga nag-edad og 4 hangtod 8 anyos, ug ipahigayon sulod sa tibuok bulan sa Hulyo 2026 sa City Hospital-Tablon.

Ang deworming himuon matag Lunes hangtod Biyernes, alas 8:00 sa buntag hangtod alas 12:00 sa udto, gawas lamang sa Sabado, Domingo, ug mga holidays.

Gihangyo usab sa health center ang kooperasyon sa komunidad aron masiguro nga mas daghang kabataan ang makadawat sa maong serbisyo ug makatampo sa pagpalambo sa usa ka himsog ug worm-free nga henerasyon sa dakbayan.(DYM/CIO/Infographics by Alrey Escueta/CIO