GI-AWHAG ang katawhan sa dakbayan sa Cagayan de Oro nga pahimuslan ang libre nga serbisyo sa panlawas nga gitanyag sa kagamhanang lokal ubos sa administrasyon ni Mayor Rolando 'Klarex' Uy, pinaagi sa programang SurUY-SurUy sa Baryo matag Martes ug Huwebes.

Moabot sa 197 ang nakabenipisyo sa unang hugna sa SSB karon'g bulan sa Hulyo nga gipahigayon sa Barangay San Simon, Hulyo 7.

 

Ang SSB team mosuroy sa Barangay Puntod, ugma Hulyo 9, Hulyo 14 sa Lumbia, Hulyo 16 sa Bugo, Hulyo 21 sa Pagatpat, ug Hulyo 23 sa Nazareth.

 

Hiniusang gipaluyohan sa City Health Insurance Department, City Health Department, JR Borja General Hospital, City Disaster Risk Reduction and Management Department, City Social Welfare Development Department ug City Civil Registry ang SSB diin ang serbisyo gilangkoban sa Philhealth membership, profiling ug updating, medical consultation, pagpanghatag og tambal, ibot sa ngipon ug daghan pang uban. (AGP/CIO)