PASPAS nga serbisyo, mao kini ang nasinati ni Lorimer Robante, usa ka motorela operator nga taga Adela Subdivision, Barangay Camaman-an, atol sa People’s Day nga gipahigayun ning adlawa diha sa City Hall.

 

Si Robante, 25 anyos, mapasalamaton ni Mayor Klarex Uy human dali na lamang ang pagrehistro sa ilang motorela. Ang pagrehistro sa motorela ug pagtubag sa inquiry sa renewal sa business permits usa sa mga serbisyo nga giyanyag sa People’s Day pinaagi sa Business Permit and Licensing Division.

 

Tumong sa People’s Day nga masiguro nga tanan sektor nga nangihanglan matabangan ni Mayor Klarex Uy. (NLB/CIO/photo by Iren Fuentes/CIO)