MOABOT sa 878 ka clients nga gilangkoban sa mga tinun-an, ginikanan, magtutudlo ug mga empleyado sa Macasandig Elementary School ang naalagaran pinaagi sa Philhealth ug medical services sa programang Suruy-Suruy sa Skwelehan, Huwebes, Hulyo 9, 2026.

 

Ang Suruy-Suruy sa Skwelehan, programa sa syudad nga hiniusang gipaluyohan sa City Health Insurance Department, City Health Department ug sa pakig-alayon sa Department of Education Cagayan de Oro Division sa tuyo nga mahatod ang serbisyo sama sa Philhealth enrolment ug updating, Yakap (Yaman ng Kalusugan) registration, pagpanghatag og tambal ug uban pang serbisyo medikal.

 

Nagpadayon ang Suruy-Suruy sa Skwelehan karong adlawa, diha sa Macasandig National High School. (AGP/Photos by CHIO)